ي موسم الأجازات والأعياد.. ناس كتير بتجهز لعزومات العيلة او لحفلات خطوبة في البيت. "السمان المحشي" من الأطباق المختلفة اللي شكلها حلو عالسفرة في أي عزومة.
عبارة عن.. 6 سمان مغسول بالملح واللّمون.. كباية رز.. قوانص وكبد السمان(وممكن لحمة مفرومة).. 3معالق سمنة جنة Ganna .. بصلة مفرومة.. ملح وفلفل.. رشة جوزة الطيب.. رشة قرفة.
هانشوّح البصل في معلقة سمنة وعليه الكبد والقوانص ونقلبهم ربع ساعة تقريبا (نحط القوانص قبل الكبد عشان بتاخد وقت أطول) ..
نزود عليهم الرز والملح والبهارات ونحط كباية ميّه.. نغطيه ونهدي النار لحد مايقرب يستوي.. ولما يبرد نحشي السمان ونقفله بخلة أسنان وبعدين نسلقة في ميّه مغلية عليها ملح وفلفل وحبهان وورق لاورا لمدة نص ساعة.. ودلوقتي نصفيه ونحمره في معلقتين سمنة...
وخلاااص.
.. جربتو السمان قبل كده؟!
ليست هناك تعليقات:
اضافة تعليق